Na peuneugah bak ureueng chik jameuen,“leumoeh tanoeh, keuebeu meukubang. Leumoeh geudubang, gob keue panglima.

Pue tamsee nyeung jeut tacok dari kalimah nyan syedara?

Ya, hana laen, bahwa meunyoe saboh ruang nyeung kosong, maka hukom alam di kheuen, ruang nyan akan meu-asoe deungoen atra laen. Meunyoe tanyoe, barangkali, watee hana bue sibungkoeh keue asoe pruet, kadangkala tanyoe bisa cit ta jak bak waroeng sampeng gampoeng tajak bloe boh ubi, ta reuboeh tacoek keu makanan—ubi leubeh murah—. Makanyan, meunan cit hukom alam, bah pun alam nyoe hana jaroe nyeung leumah lagee atra bak tuboeh tanyoe, tapi alam pun bisa dimeubuet meunan. Jih na jaroe droe yang hana bisa ta definisikan lagee atra geutanyoe.

Nah, pue hubungan tamsee nyeung lon bri di ateuh dengoen masalah

karue nyeung keuneuek lon tuleh. Hana laen, bahwa tanyoe nyeung didalam nanggroe, mungken ka lageenyan leumoeh. Bak tajaga droe, gampoeng droe sampee bak aneuek droe hana kuat lagee ureueng chik tanyoe jameuen, bahkan harus jih beu leuebeh kuat, karena jameuen ka muta laju, beuna simacam peunyesuaian antara cara dan kondisi riil lam donya, meunan meunuroet Geuchik, pakiban meunurut rakan?